噚 日 沙 田 馬 場 舉 行 莎 莎 婦 女 銀 袋 日 ， 城 中 嘅 名 媛 淑 女 全 部 空 群 而 出 ， 個 個 都 打 扮 得 花 枝 招 展 ， 唔 講 嘅 話 ， 仲 以 為 佢 哋 嚟 參 加 選 美 添 ！ 但 講 到 全 場 最 靚 ， 就 肯 定 非 樂 基 兒 同 埋 Janice Man 莫 屬 ， 佢 哋 兩 個 嘅 服 飾 一 黑 一 白 ， 各 具 獨 特 美 態 ， 用 靚 爆 鏡 嚟 形 容 就 最 貼 切 不 過 嘞 ！

據 我 所 知 ， 早 兩 年 基 兒 都 嚟 過 馬 場 擔 任 婦 女 銀 袋 日 嘉 賓 ， 今 次 舊 地 重 遊 ， 唔 知 佢 有 乜 感 想 呢 ？ 基 兒 話 ， 今 次 入 場 感 覺 特 別 開 心 ， 因 為 佢 投 注 贏 咗 十 八 蚊 呀 ！ 無 獨 有 偶 ， Janice 都 話 學 人 考 吓 眼 光 ， 小 注 怡 情 投 注 咗 十 蚊 ， 結 果 贏 咗 十 一 大 元 ！ 睇 嚟 呢 兩 位 賽 馬 初 哥 ， 揀 馬 都 幾 有 水 準 咁 喎 ！